ឯកឧត្តម អ៊ុន ចាន់ដាជួបសំណេះសំណាលជាមួយប្រជាពលរដ្ឋ ៦៣គ្រួសារផ្លាស់ទៅតាំងទីលំនៅថ្មីនៅស្រុកសេសាន ខេត្តស្ទឹងត្រែង

AKP កំពង់ចាម ថ្ងៃទី២៧ ខែតុលា ឆ្នាំ២០២៦--  នៅព្រឹកថ្ងៃទី២៧ ខែតុលា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានជួបសំណេះសំណាលជាមួយប្រជាពលរប្រជាពលរដ្ឋ ចំនួន៦៣គ្រួសារ ដែលធ្លាប់រស់នៅនៅក្នុងខេត្តកំពង់ចាមត្រូវបាន ស្ម័គ្រចិត្តផ្លាស់ទៅរស់នៅតាំងទីលំនៅថ្មីនៅស្រុកសេសាន ខេត្តស្ទឹងត្រែងក្រោម  ចាប់ឆ្នោតទទួលដីឡូត៍ នៃកម្មវិធីផ្តល់ដីការពារព្រៃរបស់រាជរដ្ឋាភិបាល។   

ថ្លែងក្នុងពិធីសំណេះសំណាល ឯកឧត្តមអភិបាលខេត្ត បានសម្តែងនូវការអប​អរសាទរ និងលើកទឹកចិត្តដល់បងប្អូនប្រជាពលរដ្ឋទាំងអស់ ដែលនឹងត្រូវផ្លាស់ទៅតាំងទីលំនៅថ្មី នៅក្នុងស្រុកសេសាន ខេត្តស្ទឹងត្រែង ក្រោមកម្មវិធីផ្តល់ដីការពារព្រៃនេះ គឺជាផ្នែកមួយនៃនយោបាយដ៏ខ្ពង់ខ្ពស់របស់រាជរដ្ឋាភិ​បាលកម្ពុជា ក្នុងការលើកកម្ពស់ជីវភាពប្រជាពលរដ្ឋ ផ្តល់ជម្រកនិងដីអាស្រ័​យផលពិតប្រាកដ ព្រមទាំងជំរុញការចូល​រួមចំណែកពីសហគមន៍ក្នុងការថែរក្សា ការពារធនធានធម្មជាតិ និងអភិវឌ្ឍន៍តំបន់នោះឱ្យមានចីរភាព។    
ឯកឧត្តមអភិបាលខេត្ត បាន សម្តែងការអបអរសាទរចំពោះ បងប្អូនដែលទទួលបានដីធ្លី និងលំនៅឋានថ្មី ក្រោមកម្មវិធីផ្តល់ដីការពារព្រៃនេះ ជាផ្នែកមួយនៃនយោបាយដ៏ខ្ពង់ខ្ពស់របស់រាជរដ្ឋា​ភិបាលកម្ពុជា ក្នុងការលើកកម្ពស់ជីវភាពប្រជាពលរដ្ឋ ។ក្រោយទទួល បានដីនិងលំនៅដ្ឋានថ្មីត្រូវតែយកចិត្តទុកដាក់ក្នុងការប្រកប មុខរបរកសិកម្ម ដាំដុះដំណាំរួមផ្សំគ្រប់ប្រភេទ លើផ្ទៃដែលទទួលបានដើម្បកសាងជីវភាពគ្រួសារឱ្យកាន់តែប្រសើរឡើង។   
បន្ទាប់ពីបញ្ចប់ពិធីសំណេះសំណាល រដ្ឋបាលខេត្តកំពង់ចាម ក៏បានរៀបចំរថយន្តដឹកជញ្ជូនបងប្អូនប្រជាពលរដ្ឋទាំងអស់ទៅកាន់ទីតាំងដី និងផ្ទះថ្មី  ក្រោមការជួយឧបត្ថម្ភថវិកា និងគ្រឿង​ឧបភោគបរិភោគ ដែលជាអំណោយរបស់សាខាកាកបាទក្រហមកម្ពុជាខេត្តកំពង់ចាម  ដើម្បីជួយសម្រាលជីវភាព និងដោះស្រាយការហូបចុកជាជំហានដំបូងផងដែរ។    
បងប្អូនប្រជាពលរដ្ឋទាំង ៦៣គ្រួសារ បានសម្តែងនូវក្តីរំភើប និងថ្លែងអំណ​រគុណយ៉ាងជួយជ្រាលជ្រៅចំពោះរាជរដ្ឋាភិបាល ក៏ដូចជាអាជ្ញាធរខេត្តកំពង់ចាម ដែលបានយកចិត្តទុកដាក់ សម្រួលការធ្វើដំណើរ និងជួយឧបត្ថម្ភគាំទ្រដល់ការទទួលបានដីធ្លី និងលំនៅឋានថ្មី ៕

ដោយ៖ ឆាយ ម៉ុត