ឯកឧត្តម គីម វីរៈ ចែកអំណោយជូនគ្រួសាររងគ្រោះដោយសារសង្គ្រាម ក្នុងខេត្តឧត្តរមានជ័យ

AKP ភ្នំពេញ ថ្ងៃទី២៩ ខែតុលា ឆ្នាំ ២០២៦– ឯកឧត្តម គីម វីរៈ ចែកអំណោយជូនគ្រួសាររងគ្រោះដោយសារសង្គ្រាម សង្គ្រាមឈ្លានពានពីប្រទេសថៃ នៅស្រុកចុងកាល់ ខេត្តឧត្តរមានជ័យ។ 

ឯកឧត្តម គីម វីរៈ អនុប្រធាន និងជាអគ្គលេខាធិការ គណៈកម្មាធិការជាតិគ្រប់គ្រងគ្រោះមហន្តរាយ និងកម្មវិធីស្បៀងអាហារពិភពលោក (WFP) ក្រោមជំនួយរបស់រាជរដ្ឋាភិបាលជប៉ុន កាលពីថ្ងៃទី២៨ ខែតុលា ឆ្នាំ២០២៦ បានអញ្ជើញដឹកនាំក្រុមការងារ ជួបសំណេះសំណាល និងចែកអំណោយជាអង្ករជូនគ្រួសារដែលរងផលប៉ះពាល់ដោយសង្គ្រាមឈ្លានពានពីប្រទេសថៃ នៅស្រុកចុងកាល់ ខេត្តឧត្តរមានជ័យ។ 

គ្រួសាររងគ្រោះទទួលអំណោយមកពីស្រុកបន្ទាយអំពិល ក្រុងសំរោង ស្រុកចុងកាល់ និងឃុំគោកខ្ពស់ សរុបចំនួន ១ ០១៩ គ្រួសារ ដោយក្នុងមួយគ្រួសារទទួលបានអង្ករ ៥០គីឡូក្រាម ។
ក្នុងកម្មវិធីចុះចែកអំណោយនេះ ក៏មានការចូលរួមពី លោក គង់ កន្នារិទ្ធ អភិបាលរង នៃគណៈអភិបាលខេត្តឧត្តរមានជ័យ និងអ្នកតំណាងកម្មវិធីស្បៀងអាហារពិភពលោក (WFP) ផងដែរ ៕

ដោយ៖ ណយ នឿន (ប្រភព៖គណៈកម្មាធិការធិការជាតិគ្រប់គ្រងគ្រោះមហន្តរាយ )